ڕۆژا ئێکشەمبی ڕێککەفتی (٢٠٢٣/٧/٩) قوتابیێن زانکۆیا زاخۆ پشکداربوون د ئەوێ قارەمانیێ دا ئەوا زانکۆیا نەورۆز مێڤانداری لێ کری (قارەمانیا دیبەیتێن زانکۆیان ل هەرێما کوردستانێ و عێراقێ) کۆ ئەکادیمیا ناڤدەولەتییا سەرکردایەتی و گەشەپێدانێ ب هەڤکاری دگەل دەزگەهێ روانگە و زانکۆیا کوردستان ڕێکخستیە.
ئەڤە بۆ جارا ئێکێ یە ئەڤ قارەمانیە ل هەرێما کوردستانێ و عێراقێ دهێتە کرن، کۆ ڤێ جارێ (١٧) زانکۆ ژ هەرێما کوردستانێ تێدا پشکدارن و پێنج ژ وان ژ پارێزگەها دهۆکێ نە، ئەو ژی زانکۆیا زاخۆ، زانکۆیا ئەمریکی، زانکۆیا دهۆک، زانکۆیا نەورۆز ، و زانکۆیا دهۆک یا پۆلیتەکنیک. دهێتە زانین، پشتی چەند حەفتیەکێن دی دێ چارگۆشەیا زێرین یا سەرکەفتیێن زانکۆیێن هەرێمێ ل هەولێرێ بیت و بەربژێرێ ئێکێ دێ نوونەریا عێراقێ ل قارەمانیا قەتەر کەت، کۆ دێ د قارەمانیا ناڤدەولەتی یا دیبەتێن زانکۆیێن وەلاتێن عەرەبی پشکدار بیت. هەژی گوتنێ یە کۆ هەتا نوکە زانکۆیا زاخۆ یا ئێکەمە د پێشبڕکێدا و شیایە دوو سەرکەفتنا توماربکەت.